قلت : أعقِلها و توكل .. علقتني و توكلت هي ؟! النجم و المهوكشي ..

[!!-^ the Star ^-!!]

السلام عليكم ورحمة الله تعالى وبركاته ..

صبحكم الله بالخير يالصباحيين ..

و مساكم الله بالخير يالمسائيين ..

قبل كل حاجة ..

>> حلوه كل حاجة ..

الموضوع هذا اكتب فيه بكيفي ..

اخنبق بكيفي ..

العن بكيفي ..

اقول ابن الكلب بكيفي >> هذي لبنوتة شمر :SugarwareZ-014: ..

انتم تدخلون للموضوع ..

يا تمدحون يا تنتقدون .. >> طيب ما جبت جديد ..

أخوتي المعلمين ..

اخوتي الطلاب ..

أخوتي المديرين ..

اخوتي الضباط >> بغينا ننسى اهم سلطة ( بضم السين وليس بفتحها هي واللام ) في المنتدى ..

أخوتي كل حاجة ..

أخواتي المعلمات ..

اخواتي الطالبات ..

أخواتي المديرات ..

أخواتي الضابطات >> احححححححيه ..

أخواتي كل حاجة ..

المهم ..

ما عليكم من الأخوة اللي فوق ..

بس الغرض منها لفت النظر وشد القاريء للسطور أدناه ..

أنوه و أنبه و أعلن بأني أكتب هذا الموضوع و عيني شبيهتان بعيني أبو جادل ..

و لي عن فراشي 36 ساعة ..

فلذلك و على ذلك جرى التنويه ..

يعني ابن امه يجي ويقولي فيه كلجة والا خطأ ..

ترا بامسح به بلاط المنتدى .. >> وخروا عنه ..

إلا اقولك يا سنايبر ..

إيش رايك لو تخترق موقع طرب توب و تحط المجرة محله ترا نضمن زوار ..


خلينا ندرعم عالموضوع و اذا في بلاهة نعدلها بعدين ..

بسم الله ..

قلت : أعقِلها و توكل .. علقتني و توكلت هي ؟!


النجم ..

قرر الزواج ..

و ذلك نتيجة حتمية و طبيعية لمن يشاهد مواضيع كوكب السهاري و ليالي صديقي

الزير سالم فإما ان يهدر أبنائه في الخلاء .. واما ان يفكر في الزواج ..

هي فكرة راودتني عندما شاهدت فيلم آمريكانز باي , طرحت الفكرة على والدتي الكريمة ..

فوافقت عالفور شريطة أن انهي دراستي الجامعية ..

هنا تبدد الحلم مبدئيا ..

قمت بالضغط عليها علها تسهل علي الأمور فأجابتني بحلها الأخير ..

الوالده : ابشر باللي يخطب لك بس انجح في العضوية ..

فلم يكن مني حينها الى ان اقول ..

ولكم باك يالعزوبية ..

































































































..




































































فاصل :

سمعتم أغنية ويلاه .. تراها اليييييييييييييييييييييييييمه ..



باك :


المهم قلت في نفسي يا ولد ليه ما تتزوج من برا و ماحد يدري عنك ؟!

و ما يدرون الا وانت جايبها معاك و هي في حضنك مدخلها مع الباب

كيف في حضنك بس بالله ماني رومانسي و حالم حبتين >> خير خير ..

المهم ..

دخلت جوجل الصوري و كتبت صاروخ ..

شيء طبيعي أي واحد يكون مررررررررررره يا يتزوج يا يجيب العيد

ما راح يكتب حلوة او جميلة او بيوتي بيكتب صاروخ ..

انا كتبت صاروخ يعني ( حلوة ) و جوجل الله يهديه ارهابي حبتين حولني

للصاروخ الصدقي قمت اتفرج شويه على الصور تعرفون الفضول في بني ادم ..

شوي ما دريت الا بذاك الجيب اللي تحت بيتنا و ينزل منه اثنين ..

واحد يشبه للحانوتي والثاني يشبه لرضا تكر >> قد اني حاقد عليه من امس ..

المهم ويدقون الجرس حق بيتنا و يطلع لهم أيمن الله يزوجه بوحده تشبه له ..

قالوا له نادي لنا المعفن اللي جالس عالنت الحين , ايمن ما صدق خبر وجايك

مطير ولا الحسن كيتا و يقولي فيه اثنين من اخوياك في التمرين يبغونك !!

الكلب صرفها من راسه لا يعرفهم ولا شي >> الحين تعرفون ليش قلت الكلب ..

طبعا اول شي اقهر بنوتة شمر و ثاني شي لأن الأثنين اللي جو لسيادتي مرسولين

من الملك عبد الله و بقرار من اوباما نفسه .. >> كبيرة حبتين صح ..

المهم و يشيلوني من كراعيني و ما خلوا زاوية ولا حديدة ولا عمود في الدرج

ما لمعوه بجبهتي الكريمة ..

و شوي و يغطون عيوني و يرموني في الشنطة حقت الجيب و على امريكا ..

تخيلوا من الروابي إلى امريكا بجيب !! >> هذي انا بكبري ماني مصدقها بس زحلقوها ..

و الله ترا شي مررررررررره يعور و المشكلة ما اقدر اشوف شي ولا اخلوني اشرب

عصير ولا اكل شي بس مويه و في اليوم مرتين بس عشان ما اموت ..

بس والله سواق الجيب عنده خبرة تخيلوا من المدينة الى امريكا ولا مطب حسيت فيه ..

>> تسوقها يا ابو حميد ..

طيب .. طيب ..


الحاصل وصلنا امريكا ..

و ينزلوني في القصر الأبيض و لا ادري الا وانا عند اوباما في الحوش ولحالنا ..

الرجال طلع حق علوم بدو و حركات كان جالس يشب النار و جالس يردد شيلة ..

الشيلة اللي كان يرددها تقول :

يا بوش راحت ايام تكية الحوش ... و اوباما الأسود في البيت الأبيض

وين انت ووين تجهيز الجيوش ... خلك الحين تتلون وتتوجع وتعيض ..

طبعا انا عارف ان القربعه اللي فوق ما تجي حتى كسرة ..

لكن هذا شعرهم عاد لا وزن ولا قافية ولا اي حاجة و انا مجرد ناقل للشيلة كما هي ..


بعد ما خلص قلت له : صح لسانك ..

قال لي : صح بدنك ..

قام يحرك الحطب شويه عشان الدخان عدم عيونه , وقال لي : انتم يا عرب ما عندكم شغلة

غير تفجرون و ترعبون الناس و تحاولون تأذون امريكا هاه ؟

قلت له : من جدك تتكلم ؟

قال : جينا للعبط شوف تراني تكروني ومخي مخ تكارين يعني ما اتفاهم ورب النعمة لو

ما تعترف انت تبع اي جماعه وناوي على ايش لأمحطك بالحطبة اللي معايه لين تعض الأرض ..

قلت له : أقسم بالله العظيم ما ادري ايش تقصد ولا سويت ولا حاجة ورب الكعبة ..

قال لي : افرد طولك ..

انا طالعت فيه بإبتسامه خبيثة ..

قلت له : تسوقها يا ابو ساشا !! طيب من اول قولي انك تبغى كذا مو تخرعني ..

طبعا أنا فهمتها كما تُقال عندنا في المدينة و بمعناها المتداول هنا ..

اثارها في امريكا لا تعني المعنى الخبيث لدينا ..

و انما تعني انسدح ( عشان تنضرب بس ) ..

لكن اوباما طلع راعي سوابق وقال لي : لا لا يا ابو حميد ..

لا تفهمني غلط انا ما ابغى الا اضربك عشان تعترف ..

قلت له : بس ليه تضربني انا بريء ..

ما خلاني اكمل كلمة بريء الا وطلع البراءة من ظهري ..

محطني في ظهري لين صار من الفحم زي جدار مسبح المروج ..

عاد انا ما تحملت >> رقيق بسم الله عليه ..

اغمى عليه من اول محطه >> يآآآآآآآآآآآآآآي ..

و شالوني وودوني السجن مع سكوفيلد و تي باغ والطقة حقتهم ..

اول ما صحيت الا و اشوف تي باغ الخبيث جالس يطالع فيني فوق تحت ..

قلت يا ولد شكلي انا في الجرف ماني في امريكا إيش هذا !!

قمت ورحت عالباب و هات لك ضرب في باب السجن لين فتح لي الحارس ..

قال لي ايش تبغى يا معفن ..

قلت له انت المعفن انت وشنبك اللي تقول طرف زولية ..

قال لي تنكت انت وشنبك اللي زي شنب هتلر ..

قلت له احسن منك يا غوار الطوشي ..

قال لي اخلص ماني فاضي لك >> طبعا قالها بالأمريكي ..

قلت له ابغى اكلم اوباما ضروري كلمة راس .. >> حلوه كلمة راس

اخذني ووداني لاوباما و نسي يقفل باب السجن و شرد تي باغ و سكوفيلد وطقتهم ..

يوم وصلنا لاوباما تبسم الخال و شفته لأن الدنيا كانت ظلام آخر الليل و اليوم ما ولع النار ..

المهم قال لي : أخيرا بتعترف .. دايما العرب ما يجون الا بالضرب ماهم حقين تفاهم ابد ..

قلت له : اعترف بأيش يا عمي و الله ما سويت شي , انت قول لي ايش سويت و يمكن فيه

سوء تفاهم في الموضوع ..

و بينما نتكلم انا وياه انطلق الإنذار حق السجن و أُعلن ان سكوفيلد و طقته شردوا ..

جاك الحارس مطير على اوباما و قال له ترا الزهراني اللي قدامك معاهم و هو خطط لكل

شيء بالعاني عشان اجيبك انا و يشردون ..

قلت للحارس : لا والله من دلاختك صوخ انت و من حطك هنا يالأفدغ ..

قال اوباما :

ما شاء الله .. راعي صواريخ و منظمات ارهابية و تسبني في مكتبي لا و مشرد سكوفيلد

و اللي معاه , انت ما تدري ان الحين يبغى لنا جزء خامس من وين نخربط لهم قصة الحين ؟

و كيف نفبركها هاه ؟ كلها بسببك انت يالعربي لكن انا بأخليك عبرة لمن لا يعتبر ..




و أمر الحارس يوديني للسجن الإنفرادي لحالي ..

و بعدين قال له الحارس انا عندي خطه احسن >> شوفوا الديموقراطية عندهم حتى

حارس السجن يتلقف و يشاور الرئيس ..

قال له اوباما : هات اللي عندك ..

قال الحارس : نوديه سجن النساء و هناك بيتعذب أكثر مابين الساديات و المجرمات

و المريضات نفسيا و الله ليطلعون عمره ..

أنبسط اوباما و قال له : شورك و هداية الله >> برضه بالأمريكي قالها ..

و خذني عالسجن النسائي ..
















































بقية التفاصيل في رد لاحق إن شاء الله ..


مع ملاحظة أن الجزئية الثانية من الموضوع تم التحفظ عنها مرارا من قبل باريس هيلتون


لكن بعد إصراري وافقت على نشرها >> ما ترد لي طلب ..


برب ,

[!!-^ the Star ^-!!]

عذبة انتي .. كالطفولة .. كالأحلام .. كاللحن .. كالصباح الجديد

كالسماء الضحوك .. كالليلة القمراء .. كالورد ... كإبتسامة الوليد

هذي طبعا دقة ( اغنية ) الفيلم حقي في الجزء الثاني ..

طبعا طول التسعه دقايق حقت الأغنية المخرج يجيب الصوره عليه

و انا مره بشماغ و مره بغترة و مره بجنز و مره بفروه و مره بشورت

زي الفيديو كليبات حقت ايام زمان كل شويه وانا لاصق في ركن بيت

و الا متعلق في نافورة بخشه جديده اطلعها للمشاهدين >> زمان يا فن

بس الفرق بيني و بين ايام زمان الالوان والشعر قصير ..

لأني حلقت شعري >> للي ما يدرون لسه ..

المهم ..

بعد ما تنتهي الأغنية تأتي الكاميرا على العنبر اللي انا فيه ..































































النجم مستلقي على السرير يندب حظه المعفن و حوله 4 حرمات >> حرمات جمع حرمه ..

كل حرمه تقول للثانيه انا امتن منك و ارجل منك ..

معروف اللي حظه نحس لو يطيح في امريكا ما يلقى الا القرمبع هناك ..

انا بيني و بينكم يوم قالوا انهم بيودوني في السجن النسائي قلت شي حلو اقطب و اخفف عن نفسي ..

لكن من يوم ما شفت الأجسام من بعيد ( كل وحدها كرشتها تقول اسطوانة غاز ) تحطمت على طول ..

المشكلة جالسات يلعبون بالوت >> يا ولد بالوت و في امريكا !!

المهم دخلت و سلمت عليهم طالعوا فيني ولا وحده ردت السلام ..

رحت انسدحت عالسرير ..

نرجع لمحور حديثنا ..

المهم كنت منسدح عالسرير و افكر بطريقة للخروج من السجن و ارجع السعوديه ..

جاتني مية فكرة و فكرة بس كلها افكار زهرانية تعطيك الحل من الأخير بس البداية

مافيه شي ابدا ؟!

و انا جالس افكر قاطعتني مونيكا هذي عمتهم كلهم و ماهي معبرة احد ..

كل ماشفتها اتذكر استاد منير الله يذكره بالخير ..

قالت لي ايش قصتك يا ورع >> بالامريكي طبعا ..

قلت لها قصتي كاملة من طقطق إلا السلام عليكم ..

فكت ضحكة بنت كلب هي و كور السلة اللي جنبها ..

و قالت لي : تبغى تطلع من السجن ؟

قلت : ايه ..

قالت : عندي لك حل يطلعك من السجن اليوم في الليل ..

قلت لها : هاتيه يرحم امك ..

قالت : شفت سكوفيلد اللي شردته انت ..

قلت لها : حتى انتي يالبقرة مصدقه اني انا اللي شردته

يرحم امك انا ما اشرد بسة و فيه عُري ( البس الكبير ) جنبها , كيف اشرد

ناس زي كذا و امريكا كلها قايمة فوق تحت عشانهم >> كأنك صدقت الفيلم يا ولد ..

قالت : ما تقولي بقرة >> بالإنجليزي طبعا ..

قلت لها : آسف يا عمتي مونيكا ..

المهم ..

قالت : سكوفيلد حبيبته ساره هنا في السجن و في العنبر اللي جنبنا و رسمت الخريطة

حقت السجن في صدرها و اليوم تبغى تطلع من السجن حسب المخارج اللي موضحة

في الخريطة فإذا تبغى تطلع اكلمها لك اليوم في البريك اللي بعد شويه ..

قلت : و الله ما عندك سالفة لو انك صادقة كان انتي شردتي معاها ..

ضحكت ضحكة قوية هي واللي معاها ..

قالت انت خبل تبغاني اشرد من السجن ..

انت ما تدري السجن بالنسبة لي ايش ..

آكل و اشرب بلاش و السجن كله يحترمني و يخاف مني , انا هنا في جنة

كيف تبغاني اخرج منها ؟!

قلت لها : احلى يا ميل جيبسون ..

المهم خلاص كلمي لي ساره و خليها تطلعني من السجن معاها ولازم اشوف الخريطة

ما ابغاها تورطنا يمكن المخارج غلط >> تسوقها يا ابو حميد خريطة هاه ..

قالت : اوكي ..

جاء وقت البريك و رحت مع مونيكا عند ساره ..

لقينا ساره جالسه تشيش و تكلم سكوفيلد بالجوال و تبشره انها اليوم بتطلع ..

قال لها سكوفيلد اوكي انا راح استناك برا السجن معاي هوندا اكورد لؤلؤي اوكي ..

قالت اوكي ..

شويه التفتت لنا و قالت لمونيكا : اهلين بأغلى الحبايب منور العنبر بوجودك ..

قلت : انا منور والا بلكونه هههههههههههه >> اسوي نفسي فله ..

طالعت فيني بنص عين و رجعت تطالع لمونيكا وقالت : مين الخبل ذا ؟

و ايش جابه ؟ تصدقين يا مونيكا انه يشبه لولد عم سعيدان وعليان ..

قالت مونيكا : الخبل ذا هو اللي شرد حبيبك من السجن ..

ما كملت كلامها مونيكا الا و تنط علي ساره و هات لك حضن و بوس و تنادي

البنات اللي في السجن كلهم وتعلمهم اني انا اللي طلعت سكوفيلد واني انا بطل ..

و يقومون يشيلوني كل البنات و يلفلفون فيني السجن ويقولون بالروح بالدم

نفيدك يا ذا ستار .. بالروح بالدم نفديك يا ذا ستار >> كأني زودتها حبتين ..

المهم نادتني ساره عندها في العنبر لحالنا وقالت لي : آمر باللي تبغاه ..

قلت لها : أول شي ابغى اشوف الخريطة ..

قالت : على خشمي >> بالامريكي طبعا ..

و غير هالطلب ..

قلت : أبغاك تخرجيني من السجن ..

قالت لي : من عيوني >> هذي قالتها بالعربي عاد ..

ولاحد يسألني من فين عرفت عربي .. هي قالتها وبس ..

ورتني الخريطة .. ويا زينها من خريطة ..

و الله حفظتها من مره وحده اكثر من مركبات العضوية اللي رسبت فيها مرتين ..

و بعدها قالت لي : بأعطيك طريقة الخروج من السجن ..

اللي راح يخرج من السجن انا و جيسيكا ستروب و باريس هيلتون بس ..

و ماحد يدري غيرنا حنا الثلاثه عن الخريطة وانت ومونيكا ..

اليوم في الليل إذا راحوا البنات ينامون .. هنا قاطعتها انا قلت لها :

اي بنات ؟

قالت : اللي في السجن ..

قلت : بالله هذولي بنات ؟!

قالت : ايوه بنات ..

قلت : و الله اثار بنات السعودية حلوين .. >> كبيرة بقوة هذي ..

المهم ..

قالت لي : اذبح البنت ولا تقطع كلامها >> امحق بنت رجال ..

قلت لها : اسلمي ..

قالت : لا ناموا البنات تجيني انت العنبر و راح تجيني باريس هيلتون وجيسيكا ..

ملاحظة :

باريس هيلتون تم سجنها لأنها كانت تسوق سكرانه الله يهديها بس ..

و اما بالنسبة لجيسيكا سجنوها لأنها تهرب حبوب >> سيارتها كابريس 84 كحلي ..




جاء الليل ..

تسللت بشويش و انا خارج من السجن تذكرت مونيكا ووقفتها معايه قلت خلني أكتب

لها رسالة اودعها فيها لاني لو صحيتها عشان اودعها بتخليني اودع الدنيا ..

كتبت الرسالة و كانت كالتالي :


بسم الله الرحمن الرحيم ..

إلى غاليتي مونيكا .. يعلم الله تعالى كم أنك ابنة رجال ووقفتك معي لن انساها

و جميلك هذا سيبقى على اكتافي و سأخبر أعضاء منتديات المجرة العربية

عن جميل معروفك وصنعك معي يا أجودية ..

و انصحك بالإبتعاد عن الوجبات المعلبة لانها تسبب السرطان ومره ثانية

لا تشترين حكم الا و يكون معاك الولد والا التسعه و فرشي اسنانك اذا

اكلتي بصل ولا ثوم لأن ريحة الغرفة مروحه الله يهديك ..

تقبلي تحياتي أخوك : ذا ستار ..

و سلمي لي على كور السلة اللي جنبك ..



حطيت الرسالة في ظرف ورسمت لها قلب وسهم و حطيتها عند راسها ..

و خرجت من العنبر حقنا و ادرعم على عنبر ساره ..

و القاهم مجتمعين من زمان يستنوني ..

دخلت عليهم و هم يتأففون و معصبين و ادقهم بذيك الإبتسامه ..

ساره : هذا سبب تخلفكم يا عرب لا مكان للمواعيد بينكم ولا احترام للوقت عندكم ..

جيسيكا : لو لم تكن وسيما لقتلتك >> هذي مره ما تنبلع ..

باريس : ياااااااي عادي تأخر يا قلبي تسلم لي هالضحكة ..

عاد انا من كثر التبليف ( البلف : المدح الكذوب زي حالة باريس ) ما عاد شالتني

رجلي و دربجججججج طحت عندهم ..

قالوا : بسم الله .. بسم الله >> يا ولد مرررررره زودتها تراك ..

نخرج عن الموضوع شوية ..

بالله مو اخس شعور لمن تطيح ويتجمعون عليك الناس ويقولون بسم الله .. بسم الله .. ؟!

نرجع للموضوع ..


قلت لساره : يا بنت خليني اشوف الخريطة بتأكد من المخرج بس ..

قالت باريس : حتى انا رسمت نفس الخريطة حقتها عشان يمكن تنمسح خريطتها

تبغى تشوفها ؟

قلت : ياليت و الله .. عشان نتأكد مره ..

و قعدت اتفرج في الخريطة نص ساعه ..

و بعدين جاتني فكرة ..

قلت : يا بنات ايش رايكم لو نطبح مع الطاقة ؟

قالوا : والله فكرة , حنا كيف ما جات على بالنا هذي الطريقة ..

قلت : يالله ساره طبحي اول وحده ..

قالت : خير خير .. إيش قالوا لك بايعه عمري >> دايم ردود البنات زي كذا ..

قلت لها : خلاص انا اطبح من بعد الأرض عاد >> لازم حركات الشجاعه قدام باريس ..

أثار الأرض بعييييييييييييده مره و انا ما طالعت في الارض يعنني شجاع طلعت مع الطاقة

و اطبح على طول و ادور على الارض يمين يسار ماهي فيه ..

يا ولد غمض فتح شوف يمكن ملخبط ولا هي فيه ..

شويه والا اشوفها تحت صغييييييييره مره و بعيده عني ..

و دبجججججججججججججججججججججججججججججججججججججججج ..


يا ترى ماذا حصل للنجم ؟

و ماذا فعلوا الفتيات هل تبعوه من نفس الطاقة ام تنبهوا ؟

و في حال حياته >> يا دلخ كيف تكتب الموضوع و انت ميت !!

و في حال حياته هل سيسعفونه ام لا ؟

هذا ما ستعرفونه في الجزء الثالث ..

ملاحظة :

الجزء الثالث برعاية مالبورو و سواك مكة >> ما قد اجتمعوا الا في موضوعي ..

آخر ملاحظة :

الجزء الثاني و الثالث هي جزء واحد في الأصل و لكن فرقتهم لأني باروح انام

و مافيني اكمل الحين ..

اكمل الجزء الثالث بعد يومين >> بدأ يتغلى